Covid NSW
Photo: ABC News

Faaopoopo pea cases fou i Niu Sau Uelese

Ua faaauau pea ona iai ise tulaga faapopoleina le faatulaia pea o le aofai o cases fou o le koviti 19 ua aliae pea I totonu o Niu Sau Uelese I Ausetalia. O le aso ua faamauina ai leisi 283 o cases fou I le silia nei ma le 7 vaiaso talu ona faatino le Tapu poo le vavao.

O lea aofaiga tele ua faamauina I totonu o le 24 itula talu ai mae silia ma le 133 afe siaki na faia. A itiiti mai pe a ma le 106 cases poo tagata na iai pea ile komiuniti ae ua aafia.

O loo suesueina nisi faamatalaga faaopoopo I isi cases . Ua faamauina foi seisi soifua faaopoopo ua maumau mai le faamai. O se tina pe a ma le 90 tausaga le matua mai North Sydney ma sa tausia I le Greenwich Hospital ma e lei faia se tuipuipui o le koviti.

Ua faatonuina foi ma le faaopoopo ane o nisi o pitonuu faaitumalo I le lisi umi o pitonuu ua faamauina le tetele ai o le faamai. Ole faaitu o Tamworth lea o le a amata le latou tapu I le ta o le 5 I le afiafi nei mo le fitu aso. Lipotia o se tamaitai talavou na aafia I le vairusi mai Newcastle ma malaga atu ai I Tamworth.

Fai mai e lei iloa e lea tamaitai ua aafia ma ua toe foi ane nei I Newcastle ma ua faanofoesea nei, O isi pitonuu ua faaopoopo I le lisi o pitonuu o loo matuai faapopoleina ai le malo e aofia ai ma le pulega faaitumalo a Armidale.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required