O loo faaopoopo pea atunuu ua oo atu iai le vairusi matautia o le Koviti ua ta’ua o le BA.2.86
O Aferika ma Switzerland lea ua faaopoopo ia Isaraelu, Denmark, Amerika ma Peretania e tusa ma faamaoniga a le World Health Organisation.
O le vairusi lenei o le Koviti na muai maua i Denmark i le aso 24 o Iulai ma i suesuega o lea ua faamaonia i siaki o pasese e faia i malaevaalele faapea ai ma siaki o loo faaaogā ai vai o otaota e fesootai ma isi vairusi o le Koviti na muai sau i tua ma ua faigata ai nei ona e lē o fetaui ma vailaau o tuipuipui o loo faaaogāina nei.
Mai suesuega sa faia i tagata ua maua i le vairusi lenei, ua iloa ai e le fesootai cases ma ua masalomia ai ua malosi ma saoasaoa le pepesi o le BA.2.86.
A o fai mai ai saienitisi e tatau pea ona mataitu, ae i faamaumauga mai le World Health Organisation ua iloa ai o le 90% o tagata i le lalolagi e le o toe faia ni siaki o le Koviti.
