Ua molimau le Carevan Blacktown ua vaaia i le taimi nei le to’atele o aiga e tasi le tagata faigaluega ua aga’i atu i faitoto’a o le latou auaunaga mo se fesoasoani.
O le auaunaga lea a le Carevan Blacktown talu ona faavae mai i le 2013 e latou te saunia fesoasoani o taumafa mo aiga i le faaitu lea o Blacktown ma o le latou molimau ua maitauina le to’atele o nai aiga e aga’i atu mo se fesoasoani tau taumafa.
O le auaunaga lea na amata faatino mai totonu o se van i le 2013 ae o le taimi nei ua ofoina ai taumafa mai se tasi o community hall i Lalor Park.
O i latou e ofo fua le taimi e fesoasoani ai i le faatinoina o lea auaunaga latou te kukaina taumafa vevela ma foa’i atu hampers o lavalava i tagata e mana’omia le fesoasoani.
E iai taimi e maua ai foi le fesoasoani i meafale ma isi auaunaga e oo i le siaki o le soifua mālōlōina ma le faia o tuipuipui.
Fai mai le alii pule o le Carevan Blacktown o le taugata o le soifuaga ua faaopoopo atu i lu’itau o feagai ma nai tagata ma o le saunia o se taumafataga se tasi ma le fesoasoani i se faatauga e maua ai se fesoasoani mo i latou i ni nai aso, o se fesoasoani tele lea i o latou soifua.
Puna o Faamatalaga: https://www.abc.net.au/news/2024-11-18/carevan-blacktown-charity-foodbank-abc-gives/104606322
