Ua faaopoopo le taugata o le fausia o fale fou ona o le utiuti o tagata galulue faapea meafaigaluega. 

Mo le uluai taimi ua alu ai i luga i le 2.6% i totonu o le tolu masina le tau e fausia ai le fale tolu potu moe. 

Ae i totonu o le tausaga atoa i le aotelega e 7.7% ua alu ai i luga. 

A o sau ai la tala ua faaopoopo le taugata, o loo faapea foi le maualuga o le fuainumera o talosaga mo laisene e mafai ai ona fausia se fale fou. 

Ua iai ma tala e ono lē gata ai i le maualuga ua faamauina i le taimi nei ae faaopoopo pea, ma atonu o le 2023 faato’ā amata sau ai i lalo.