O loo iai lipoti o le afa o Fili lea o loo taua e le vaaitau a Fiti o loo taatia nei I le 220km I le itu I matu I sisifo o Niu Kaletonia ma o loo faasolo agai ane I le itu I saute ile saosaoa e 6 kilomita ile itula. Lipotia e le RNZ ua faatulaga nei lona malosi I le vaega lua poo le category 2 cyclone.
O loo maitauina foi le lapataia o faaitu o Niu Kaletonia I le afa ma fautuaina tagata ia nofo sauni mo uiga louloua o le tau. I Niu Sila neif oi o loo iai lapataiga o matagi malolosi ua aafia ai nisi vaega ole atunuu atoa ai ma le faalogoina o le malulu tele faatusa atu I le aso ananafi.
Ua lipotia mai foi e le Waka Kotahi NZ Transport Agency o loo iai lapataiga o matagi malolosi mo le state highway 1 ile va o Dunedin ma Ashburton faapea foi le SH85 mai Alexandra agai I Palmerston.
I Aukilani o loo lapataia foi timuga.
