O le faai’uga o le masina o Setema na mae’a ai le polokalame tuu avanoa a le matagaluega o leoleo, falepuipui ma le toe fuata’ina na tatala ai le faitoto’a i le atunuu e tuuina atu laau malosi o loo umia faasolitulafono faapea ma ututau.

Peitai o lea ua faailoa i se lipoti le toe faaopoopo o le isi lua vaiaso mo le masina lenei o Oketopa e faaauau ai lea avanoa.

Ua faailoa e le Komesina o leoleo i lea lipoti e tele i tama’i fana poo pistols ua faafoi atu ma fana uumi poo rifles o loo taatele ona faaaogā e faalalo ai meaituaolō.

E selau tālā sa ave o se taui i tagata sa faafoi atu a latou laau malosi solitulafono ma ututau.