O le a faaopoopo siaki mo pasese faimalaga mai atunuu o loo maualuga le ono lamatia o tagata I le Koviti
I le taimi nei o lea o loo faia siaki mo pasese uma I le aso lona tolu ma le aso lona sefulu ma le lua talu ona faanofoesea I totonu o Niu Sila
Peitai o le toe sau o le isi galu fou ma le faatetele o le Koviti I atunuu I fafo, ua faia ai le faaiuga a le malo pei ona saunoa le minisita o le Koviti, Chris Hipkins, o le a faaopoopo iai ma le faia o siaki I le uluai aso e toai taunuu mai ai
O le faia o le siaki I le aso muamua, o le a faanofoese faapitoa ai I latou nei seia maua faaiuga o siaki ona faatoa auina atu lea I le isi nofoaga lona lua e faanofoesea ai
O le suiga lenei o le a vave ai ona agai ese mai le nofoaga muamua faatusatusa I le taimi nei lea e na o le lua ai siaki
O lenei siaki faaopoopo, o le a amata aloaia atu ai I le ta o le 12 I le vaveao o le Aso Tofi nei, le aso mulimuli o lenei tausaga
