O le a agai atu isi vaega o le militeli a Ausetalia i Sasae Tutotonu e fesoasoani i vaegaau soofaatasi e tau faasaga atu i le Houthi Rebels a o faia pea osofaiga i le sami mumu poo le Red Sea.
O le asō na folafola ai e le minisita o puipuiga a Ausetalia o Richard Marles, e ono isi sui o le ADF o le a fesoasoani atu i vaegaau a Amerika ma le UK i le nofoaga o loo faamautu ai ma o le a faaopoopo atu i latou ia i le vaegaau soofaatasi a le maligi.
O loo tau faasaga atu le vaegaau soofaatasi lea a Amerika, Ausetalia ma le UK i le Houthi Rebels lea e faamautu i Yemen ma o latou osofaia vaa faavaomalo, fai mai Marles e tāua tele le auai o Ausetalia i lenei mission ma o loo taumafai e puipui ma faaauau pea le saolotoga mo feoaiga aemaise le feaveaiina o uta.
