Covid Update

Faaopoopo aso ma pitonuu o le lapataiga vaega tolu a Waikato

O lea e le gata ua toe faaumiumi tapu mo se vaega o Waikato, ae ua faaopoopo foi ma pitonuu ua lavea I lalo o le vaega o lapataiga 3

O le amataga o le vaiaso lea na tuu ai se vaega o Waikato I tapu a le vaega tolu I totonu o aso e lima, peitai o le faaopoopo pea o cases faamaonia I le komiuniti a Waikato ua sau ai ma le faaiuga a le malo e toe faaauau seia oo atu I le Aso Gafua o le vaiaso fou

E le gata I lea ae ua faalautele I tua I isi pitonuu e aofia ai Te Kuiti, Waipa ma Otorohanga

O aso ua toe faaopoopo faapea ai ma pitonuu faaopoopo ua faia lea ao taumafai e faalautele I tua siaki mo tagata o loo nonofo I ia vaega o Waikato aemaise o le faaauau o siaki e faaaoga ai vai leaga o otaota

O le faaopoopoga o nuu ua lavea I lalo o le vaega lapataiga tolu a Waikato ua aofia ai ma le malaevaalele I Hamiltone, ma ua faatapulaa ai nei ma feoaiga a pasese e faaaogaina lea malaevaalele

Ua sau ai ma le valaau mo tagata o Waikato e agai mo siaki atoa ai ma le faia o tui

E toetoe iloilo tapu nei mo vaega o Waikato ua faatapulaa feoaiga I le Aso Gafua o le vaiaso a sau

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required