Port of Tauranga

Faanofoesea tagata galulue o le uafu I Tauranga

Na faanofoesea faafuasei tagata faigaluega I le uafu I Tauranga ao talia faaiuga o siaki o le Koviti

O le po o le Aso Lulu na faateia ai Ie aufaigaluega na galulue e aumai I totonu se tasi o vaa I le uafu ina ua tapunia e le vaega o tiute galuega I luga o le vaa ma faatonuina e le soifua maloloina e o I le fale ma faanofoesea seia toe valaau atu

O lea faaiuga na faia I le maea sau o tala ua faamaonia ua maua I le Koviti se tasi o tagata Ausetalia sa galue I luga o le vaa I le lua vaiaso talu ai

E tuufaatasia tala fou ua sau le faaiuga a le soifua maloloina e mafai ai ona toe amata galuega I luga o le vaa ma e le o toe moomia ona faanofoesea le aufaigaluega

Ao talanoa ai I uafu, ua sau nei le talosaga a le iuni faasaga I le soifua maloloina mo ni faatalanoaga faia taitoatasi ma tagata faigaluega I uafu e le o mautinoa lava pe faia tui puipui o le Koviti

O loo talitonu le iuni ua na o le pau lea o le auala e tali ai le tele o tala sese o loo salalau faatatau I le tui ma le fia o ai tagata e faia o latou tui

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required