O sa poo aiaiga sa iai ile faaaogaina o le suavai ole a siitia pe faamuta ile faaiuga o le vaiaso nei ile maea ai o le 18 masina o taumafaiga ina ia faasao le suavai ona o le faaitiitia o le suavai i faatanoa ole aai.
Ua faalauiloa ele Pulega a Aukilani e amata ile Aso Toonai nei ona aveesea aloaia ia sa. O ia tulaga e aofia le taofia o le faaaoga o sprinklers I fafo o fale e ui e faataga le faaaogaina o fagaau ae faaaoga faagutu.
Saunoa le Pulenuu Phil Goff ose vaega tele o timuga na toulu ia Aukuso ua fesoasoani tele lea I le faateleina o le suavai I faatanoa ma ua toe iai foi ise tulaga lelei. E ui ile tetele o mugala ile 2019/2020 ae ole mamafa o timuga ia Aukuso na fesoasoani tele lea ile toe faateleina o le suavai.
Faafetaia ai e le pulenuu tagata aukilani ona o le usitaia o sa na iai e uiga ile faaaogaina o le suavai mo le silia ma le 17 masina na faasaoina ai le tusa ma le 20 piliona lita o le suavai.
