Ua faamuta nei le galuega sa malaga ai i Amerika Samoa le vaa leoleo o le Nafanua ma ave fagu okesene e utu mai ai mo le auaunaga a le maota gasegase o Tupua Tamasese Meaole i Motootua.
Ua faailoa le faamutaina o lea fesoasoani mai le faigamalo a Tutuila ma Manu’a i se saunoaga a le sui o le malo o Samoa le afioga i le Konesula Fata Brian Kaio i auala o fesootaiga a le Ofisa o le Kovana Sili o Amerika Samoa.
Ua momoli ai le faafetai a le konesula i le ta’ita’i o le malo, o le faigamalo a Tutuila ma Manu’a ona o le vave tali mai i le talosaga a le Matagaluega o le Soifua Mālōloina a Samoa ina ua aafia masini e maua ai le okesene ile maota gasegase i Motootua.
Audio cut : Fata Brian Kaio (Konesula o Samoa i le teritori o Amerika Samoa)
Le afioga ile konesula o le malo o Samoa i totonu o Amerika Samoa le tofa Fata Brian Kaio.
