Ua faamavae lē sa faauluulu iai le aufaigaluega a le ta’ita’i o le Itu agai a Vitoria, Matthew Guy ona o loo feta’uaina le talosagaina o se tasi o le pati a le Liberal e foa’i atu se peimeni e 100 afe i lana pisinisi tau maketi.
Lipotia e le The Age le mataupu lea e faapea o Mitch Catlin na ia talosaga le tuuina o se konekarate ua faatulaga e totogi ai e le donor lea le silia ma le 8 afe i le masina agai i lana kamupani.
O le asō ua lipotia ai e le ta’ita’i o le Itu agai e le’i sainia sea konekarate ma ua ia taliaina i le taeao nei le faamavaega a lē sa faauluulu iai lana aufaigaluega.
Ua ta’ua le faatulaga ane e le faigamalo a le setete o ni fesili faasaga i le ta’ita’i o le Itu agai pe aisea na lē faailoaina ai faamaumauga o le mataupu lea ae pe faapefea foi ona penefiti le donor poo le tagata sa fuafua e tuuina atu ai le tupe i lalo o nei fetuuna’iga.
