Tima leavai
Tima leavai

Faamavae le sui manumalo o Falealupo ma le nofoa o le itumalo

O le faagasolo ai pea o sueusega a le faamaisnoga i mataupu tau i tagi o tuuaiga o faatosina solitulafono e mafua mai i le palota tele ia Aperila, o le Aso Lua o lenei vaiaso e ese foi mea na tutupu mai ai ona e toalua sui filifilia a le vaega faaupufai e Puipuia Aia tatau o tagata lautele na faasaga iai ni tuuaiga a sui tauva e toalua a le vaega faaupufai a le FAST ua iai le maliega e toe ave i tua ae iai foi ma aiaiga ua malilie ai sui na faauluina tagi ma faasaga iai moliaga.

O le itumalo o Falealupo i le tagi a le sui tauva le tōfā ia Fuiono Tenina Crichton faasaga le sui tauva tamaitai filifilia Leota Tima Leavai Seeta o lea ua talia e lē ua tagi e toe ave i tua le mataupu i le aiaiga ua malilie ai ua faamautu e loia o itu e lua. O lea maliega ina ia faamavae le sui na manumalo i le nofoa o Falealupo ae toe foi e fai le faigapalota laititi.

Na faailoa e Fuiono o le tulaga lea ua taoto iai ina ua maea feiloaiga ma loia “Fautuaina foi e loia ona o le galuega faaloia lava ia ae o le nuu e le’i faigofie, pulega a alii ma faipule e mau lava e lē avea i tua , ae talu ai ua faamalieina so latou finagalo ina ua faamavae Tima e aluese ma le nofoa. Lona lua e lē toe alu  i le faigapalota pe a toe fai, o le mea na ua manatu ai le itumalo fai loa se agai o ia mea ave i tua le talosaga, o lena la le agaga o le aua iai nei lea vaega o le tatou faamoemoe aua le agai atu pea mo le Aso Faraile pe e iai foi nisi suiga e toe aliali mai pe leai. Ao le mea lea ua tolo  ai sei faamaea le sainiga o pepa ma mea faapena ina ia aumai se iuga lele taofimau aua lenei faamoemoe”.

Sa fesiligia foi le afioga ia Leota Tima Leavai e tusa ma le taunuuga ua iai ae sa ia lē manao e faailoa aiaiga o le maliega.

O le isi mataupu faatatau lea i le nofoa o le itumalo o Sagaga No.4  lea na faamavae ai foi le sui manumalo filifilia le afioga ia Tuisa Tasi Patea mai le nofoa o le itumalo ae ua malilie e toe agai e fai le faiga palota laititi.

O le a toe fofogaina mataupu nei i luma o le faamasinoga e faamautu ai le toe faaui i tua o nei tagi o faatosina o le faigapalota na faia i le Aso 9 o Aperila.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required