Faamavae faifeau i Fiti, lē fia faia tui puipui

Ua lipotia mai I le aso e le Radio NZ Pacific ua iai nisi o faafeagaiga I Fiti ua faamavae mai tofiga ona o le mumusu e fai tui puipui o le koviti 19.

Sa iai sina luitau I faafeagaiga I le mataupu oei ona faailoa I le lipoti lea talu ona amata le fuafuaga a le malo o le No Jab no pay policy mo tagata faigaluega lautele lea na faalauiloa ile masina o Iuni.

Ua faailoa mai e le Christian Mission Fellowship Church e toa 10 a latou faafeagaiga ua tuuina atu a latou faamavaega ae na faaalia e lei faamalosia I latou ia ia faamavae peitai o lo latou lava faaiuga ua faia ma e faaaloalogia foi e le ekalesia.

O le masina o Novema lea na tuu atu iai ia oo atu I lea masina ua maea ona faia uma tui puipui o faifeau o le ekaleisa. O le peresetene o le ekalesia Metotisi na ia faaalia I le lipoti lea o a latou faafeagaiga uma ua fai uma tui puipui.

I faamaumauga a le Soifua maloloina o loo taua ai e 592,242 tagata Fiti ua maea ona faia tui puipui muamua ma le 448, 128 ua maea tui uma e lua.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required