Faamausalī puipuiga mo Samoa mai le Koviti19

A’o mataitū ai i le taimi nei e le lalolagi e aofia ai ma Samoa le isi o variant fou o le faama’i o le Koviti19 ua faaogaina o le Omicron lea e ese mai i le delta variant, lea ua amatalia Tesema ma ua tālia nei se ripoti lata mai i le faagasologa o le tui puipui mo le au matutua mai ke 18 tausaga agai i luga faapea fanau mai le 12 i le 17 tausaga le matutua. 

Talu mai le vaiaso ua mavae i faamaumauga lata mai ua faamauina ai le oo atu i le 83.4% tagata matutua ua maea tui lona lua ae 95.9% ua maea le tui muamua. O fanau ua ausia le 23,027 ua faapena ona maea le tui muamua o le vailaau o le Pfizer ae 6,064 ua maea tui e lua. 

I tapenaga mo le toe foi atu o fanau sikolasipi ma nisi foi o le atunuu o loo i Fiti i le vaiaso fou o lea ua logoina le auaunaga a le Soifua Maloloina o le atunuu i se tusi mai le Ofisa o le Hai Komesina o Samoa i Fiti e le’o mafai e le matagaluega o le Soifua Maloloina a lea atunuu ona faia ni suega poo ni test o le toto e faamautu ai aiaiga o puipuiga o le faama’i mo tagata uma o le a malaga mai. 

O loo faailoa e le tusi e ao i le Matagaluega o le Soifua Maloloina a Samoa ona toe iloilo ma fetuutuunai lea aiaiga ona e lē faia i Fiti lea ituaiga suesuega faa fomai e mafua ona e faapea e leai ni masini faapitoa e faatino ai. 

O loo tū malosi le Soifua Maloloina a Samoa faapea le Komiti k faalavelave faafuasei i le faia o aiaiga uma e mafai ai ona taofi le sao atu i le atunuu o le Koviti19.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required