E manatu leoleo talosia o le faailoa o ata o loo faailoa ai le taimi ae lei tafanaina se tamā ma sona atalii i totonu o le la taavale i Sini, o le a fesoasoani lea i le sailia o i latou na faatinoina lea solitulafono.
O le tama e 64 tausaga o Toufik Hamze ma lona atalii o Salim Hamze, 18 tausaga sa vaaia o i totonu o se taavale i luma o lo latou fale ae agai ane se alii sa laei se ofu faipulou ma tafana le faamalama o le taavale sa iai totonu Salim ma lona tamā a o lei toe momo’e ese ma agai ese ai i se taavale sa ave atu e se isi tagata.
E toafā isi alii ua mae’a ona molia e leoleo i le mataupu lea e 18, 20, 23 ma le 25 tausaga le matutua.
Fai mai leoleo a silafia e se tasi se faamatalaga mai le video ua faamatuu mai e lelei le fesootai vave ane pe valaau le crimestoppers.
