Ua faamatuu mai e le matagaluega o le soifua maloloina se lipoti lata mai e faatatau I tui puipui ma ua iloa ai o tagata e toa 21 o loo faataotolia I maota gasegase ona o le koviti ae e silia ma le tasi vae tolu o gasegase e taofia I le falemai ona o le koviti, o tagata e lei faia ni tui puipui.
Ua faaauau pea ona faaitiitia le aofai o tagata e taofia I falemai onao le koviti ma o loo siitia foi le aofai o tagata ile atunuu ua faia tui puipui. Ile taimi nei e 95 pasene o tagata e tai 12 tausaga ma sili atu ua maea ona fai tui puipui muamua o le faamai atoa ai male 93 pasene ua maea ona faia uma tui puipui.
E oo mai ile taimi nei ua oo atu I le 864,929 tui puipui faaopoopo poo boosters ua maea ona faia ile atunuu tusa lea pe a ma le 20 pasene o le faitau aofai o le atunuu. E lata I le 40 afe tamaiti ei le va o le 5-11 tausaga ua maea ona faia tui puipui muamua.
