O le a tuuina e le Malo se vaegatupe e silia ma le 63 miliona i le Surf Life Saving ma le Coastguard e fesoasoani ai ia latou auaunaga, o se vaega lea o le Tala Faatatau o le Tupe 2024 ma ua faaagaaga mo le fā tausaga.
O le minisita o Felauaiga, Simeon Brown na faailoaina lea folasaga i le asō, na vaavaalua ai ma le minisita lagolago o le matagaluega, Matt Doocey.
Fai mai Brown o le agai i le matafaga i se aso mo taelega ma faigamalologa o se vaega o le aso o le tagata Niu Sila ma o auaunaga e lua e pei ona tuuina iai le fesoasoani o loo faatino le latou galuega i aso uma e faamautinoa e toe foi saogalemu tagata i o latou aiga i aso taitasi.
Ua faailoa i faamaumauga e silia ma le 6 afe tagata i tausaga uma e faasaoina mai e le Coastguard mai le vai ma le sami ma o le vaegatupe ua tuuina iai o le a fesoasoani i le faatumauina pea o le latou auaunaga i le laveaiina o soifua o le atunuu.
Puna o Faamatalaga: https://www.1news.co.nz/2024/05/17/budget-2024-funding-boost-for-surf-life-saving-coastguard
