E 12 ata o alii ua faamatuu mai nei e leoleo i le latou suesuega o le faalavelave i Wakeley lea na osofaia ai se faafeagaiga a o faia se sauniga na faasalalauina tuusa’o i le initaneti.

O ata ia o i latou na aofia i le vevesi lea na tupu i fafo ane o le nofoaga na faataunuu ai le sauniga i lea aso.

Na manunu’a ai faifeau o le lotu ma le talavou lea i lea faalavelave ma sa faamanu’alia ai foi ma leoleo a o taumafai e faafilemu le vevesi na tupu i fafo ane o le Christ the Good Shepherd Church.

E toatolu alii ua mae’a ona molia e leoleo i lenei mataupu ma o ata e 12 ua faamatuu mai e leoleo o loo unaia ai nisi e silafia i latou ia ina ia valaau ane i leoleo e fesoasoani i le suesuega o loo faia.

Puna o Faamatalaga: https://www.9news.com.au/national/wakeley-church-stabbing-riot-police-release-images-men-sought/b34e2d08-063b-4407-ace8-36888a0d265d