Ua faamata’u mai nei Amerika i nisi o sā fou i luga o atunuu e mumusu e solomuli mai le faaauau ai o sootaga tau le tamaoaiga ma Iran.

O lipoti lata mai a le CNN e faatatau i gaioiga a Amerika ma ua faailoa ai ma se lapata’iga mai le Failautusi o Tupe a le atunuu, Scott Bessent o kulupu o loo fesoasoani e faaune atu tupe ia Tehran e ono aveese mai le system o mea tau tupe a le malo tele.

Advertisement

I se tali atu a le Minisita o Tupe a Iran o Ali Madanizadeh i ia faamatalaga, ua ia ta’ua ai ua sauni atoatoa Iran e faafetaui sā o loo faaolioli ane ae ua faailo foi le lē popole o le sui sinia o Iran i talanoaga ma Amerika o Mohammad Bagher Ghalibaf i faamata’u ia a Amerika.

Ua pa’ū maualalo le tālā Iran e pei ona faailoa i ripoti ma ua faaauau pea foi ona faia faamatalaga a Trump ua amata lava ona faaletonu Iran; peita’i ua ta’ua e le CNN e ui lava i le mafatia o le atunuu i le itu tau tupe ae e lē fou foi ia i latou lea tulaga.

Faamauina i ripoti, o le asō o loo feiloa’i ai le ta’ita’i o le vaegā’au a Pakistan ma sui o Iran ae o loo lipotia foi e le ‘aufaasalalau a le atunuu, o taeao e malaga atu ai le Minisita o le Va i Fafo a Oman e talanoa ma sui o Iran e faatatau i le Strai of Hormuz.

Puna o Faamatalaga: https://edition.cnn.com/2026/08/24/world/live-news/iran-war-trump