Ua faamatala faalauaitele nei e le tamaitai sa tulaga lua i le tauvaga o le Australian Idol i le tausaga nei o Amy Reeves le taimi na taofia ai o ia i le falemai i le aso tonu e fai ai le final o lea tausinioga ma sa tumu o ia i le popole.

Fai mai Reeves o le aso 25 o Mati lea na faatinoina ai le vaega mulimuli o le tauvaga na taofia ai o ia i le falemai ma e toatele na faaoo atu faamaisega ma lagona popole i lona soifua maloloina ma e faafetaia i latou ia mo le lagolago ma le faamalosiau mo ia.

Na faamatala e le tamaitai pese le tele o le lu’itau e feagai foi ma le au tauva o nei tauvaga tetele.

O le tamaitai faamasino foi o Marcia Hines, e lauiloa i lana taleni faafiafia, e lei iai foi i le faaiuga lea o le tausinioga ina ua matapogia a o lei amataina le faaaliga.

O Marcia ua 70 tausaga o le soifua ma sa avatu i le falemai i Sini ma ua manuia peitai e molimau i le tulaga ese foi o faalogona ma le mamafa e amo e i latou e tausinio i tauvaga faapea ae le gata foi i lea o faamasino o le Idol a Ausetalia i le tausaga nei o Dylan Wright.