I faamaumauga a le faamasinoga ua faailoa ai faamatalaga i le faapefea i le tamaitai Faipule talu ai nei a le pati a le Greens Golriz Ghahraman ona ia gaoia lavalava mai i faleoloa i Aukilani ma Ueligitone.

O lea tamaitai mai Iran e 43 tausaga, sa ia tautino le moni o moliaga e fā, i le sootaga ma le gaoia o le tusa ma le $9000.00 o le tau o lavalava, ina ua tulai i luma o le Faamasinoga Faaitumalo i Aukiilani i le vaiaso nei.

I faamaumauga sa faamatuuina i le Leitio a Niu Sila o loo folasia ai le gaoi a Ghahraman, ma le auala sa ia faia ai lea gaoi.

Ua ta’ua ai e faamaumauga, sa ulufale i Ghahraman i nei faleoloa ma aveese lavalava mai fata ma mea o tautau ai, ona ia ave lea i totonu o potu faataitai.

O isi ofu e na te ofuina muamua ona ofu atu ai lea o ona ofu sa ofu i tua e kava ai, ae o isi lavalava e na te nanā i totonu o lana ato, ona faataga ave lea o isi ofu e totogi a o lei alu i fafo ma lavalava sa gaoia.

I faamaumauga o mea moni (summary of fact) sa tautino ai e Ghahraman o ia sa iai i le ata video – CCTV – mai le faleoloa a le Cre8iveworx i Ueligitone sa ia gaoia ai nisi o ofu, ae e na te lē o manatua lona avea o se ofutino.