E masani ona manatu le toatele e faia’ina le Silver Ferns pe a malaga atu e taaalo i Ausetalia i taaloga o le Constellation Cup peitai o loo iai le faamoemoe o le faia’oga o le au, Dame Noeline Taurua atonu o se talutalu fou lea ua iai nei.
E mae’a taaloga e 2 o taaloga e fā e faia ma le Taimane a Ausetalia o faamanuiaina pea taaloga a le Ferns ma sa manumalo ai i le taaloga na faia i Ueligitone i le Aso Sa talu ai faapea foi ma le taaloga i Aukilani i le po anapo.
E ui la o lea ua 2-0 ae talitonu le aunetipolo a Niu Sila e lē tuumāmāina e le ‘au numera tasi i le lalolagi lo latou aga’i atu i le Aso Sa o lumanai e faataunuu le taaloga i Perth ma faamae’a ai le series lea i le taaloga faai’u e faia i Melepone i le aso 30 o le masina nei.
E na o le faatasi ona lusi e Niu Sila le ipu lea o le Constellation i taamilosaga e 10 sa faia, o le 2021 na faia’ina ai ae talu mai le amataga o le taamilosaga i le 2010 e faalua ona mau le ipu i Niu Sila.
E manatua e le tamaitai faia’oga o Taurua taaloga i Ausetalia i tausaga ua te’a fai mai a ia, e masani lava ona o latou faia’ina ai i le taaloga lona tolu peitai ua tatau ona fai iai se faatatau.
Na faailoa foi e le kapeteni o le ‘au, Ameliaranne Ekenasio e lē o manana’o ia tutusa le taaloga i le ta’i lua, ma e mana’omia ona o latou manumaloina le taaloga lona tolu lea i Perth.
Puna o Faamatalaga: https://www.1news.co.nz/sport/netball/
