Veletaloola Fuimaono Avauli - Fuimaono Samuelu Te'o
Veletaloola Fuimaono Avauli & Fuimaono Samuelu Te'o

Faamaonia uma tuuaiga a Fuimaono ma Veletaloola

O le faaiuga a le faamasinoga maualuga i le aoauli nei ua faamaonia ai tuuaiga faasaga i le sui filifilia a le itumalo o Falealili No.2 o le sui foi o le HRPP le afioga Fuimaono Samuelu Te’o o le totogi tupe (bribery) ma le moliaga o le faatinoga (treating) ma e ono toe fai ai se faigapalota laititi a lea itumalo.

E le gata i lea ua faamaonia foi tuuaiga e lima o le totogi tupe (bribery) ma le faatinoga (treating) faasaga i le sui o le FAST le afioga ia Veletaloola Fuimaono. O lenei faaiuga na tuuina mai e afioga i faamasino ia Vui Clarence Nelson ma le afioga ia Lesatele Rapi Vaai o le faamasinoga maualuga.

O lona uiga o lea ua 19 nofoa a le HRPP ae o loo tumau pea le 26 a le FAST ma faigapalota laiti o loo loma nei mo nisi itumalo.

O le iuga o le faigapalota i le Aso 9 o Aperila na tulai mai ai Fuimaono Samuelu Te’o i le tulaga muamua i palota e 513 ae o le afioga ia Veletaloola sa tulaga tolu i palota e 294.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required