Ua lipotia ile aso i Sini le maua o ni faamaoniga ose vairusi e mafua ai auga e pei o le fulu mae faalogoina le fiva, tiga o sooga o tino ma le faamaalili.

Fai mai le 7news o vairusi e feaveai e namu ua aliae aemaise lava I le tele o lologa ua aafia ai le setete ma timuga mamafa. 

Ua lipotia mai e le itu I matu o Sini o le Ross River Virus pei ona faaigoa ai nei ua matauina I namu mai le Narrabeen Lagoon ile aso gafua o le vaiaso nei mae manatu le pulega poo le council I lea faaitu ua maua lelei le nofoaga e faatuputeleina ai le namu ona o le tele o vaega o le setete ua aafia i lologa. 

Ua fautuaina ai la tagata aemaise I latou o feagai ma galuega faamama o fanua ma fale mai lologa ina ia faaeteete ma mataitu ia ituaiga vairusi.

O le maea foi o lologa na aafia ai Niu Sau Uelese ma Kuiniselani talu ai na aliae ai foi leisi vairusi sa lipotia atu muamua le Japanese Encephalitis virus na aafia ai tagata e toavalu. 

O le faamatalaga la e faapea o vairusi ia e lua e mafai ona aliae ai ni auga pei o le fiva, tiga o sooga o tino faamaalili ma le mageso.Ua taua foi o le Encephalitis virus e ono tetele atu foi nisi ona aafiaga. Fautuaina tagata ia faamama siosiomaga ma faamautu o loo malu puipuia tino.