Search
Fiame Naomi Mataafa
Fiame Naomi Mataafa

Faamaonia se tofiga fou mo le Ofisa o le Palemia

Ua talia e le Kapeneta se tofiga fou mo le Ofisa o le Palemia ua faaigoaina “Chief of Staff” ma e faatulaga e pei o se tofiga e vaega tonu ma le tofi Sui Ofisa Sili e oo atu le totogi i le $85,000 i le tausaga.

O lenei vaega na faamaonia mai e le tamaitai Palemia i lana polokalame i vaiaso taitasi ma tusitala ina ua fesiligia i ni faamatalaga ua salalau e faatatau i lea tofi fou.

E le’i teena e le tamaitai Palemia Fiame Naomi Mataafa nei faamatalaga ma na ia faamaonia o le tofiga fou lea o le a filifilia sa’o mai e le Kapeneta.

Taua e Fiame e le’o se mea fou lea vaega, o le tele lava o Minisita i gaioiga masani e  filifili lava e latou tagata faufautua poo support staff. “O le faatalanoaga mo le position lea aemaise mo le Ofisa o le Palemia e moomia se tagata e recruit mai at a higher level poo le ACEO level o se tagata e iai le tomai ma le agavaa e vaai ai i faiga faavae e mafai ona analyse faiga faavae ma fesoasoani ia te a’u”.

E le’o faamaonia mai poo ai o le a faamanuiaina i lenei tofi ma ua tele foi ni finagalo faaalia a le atunuu ua salalau i luga o le Facebook e faatatau i le tofiga fou peitai taua e Fiame e i le Palemia le filifiliga poo ai o le a tofia i lea tulaga fou.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required