E toalua ni tagata Niu Sila ua lipotia mai ua maliliu a o iai i ni faaseega (skiing) i Iapani ma ua faamaonia mai ia faamatalaga e leoleo a lea atunuu.
O se alii pe ā ma le 30 tausaga ma se tamaitai pe 20 tausaga le matua, o i laua sa aofia i se kulupu o tagata e toaono sa faasee i Hokkaido ae afaina ai i se sologa o le aisa, avalanche.
Fai mai le Japan Times na avatu i laua ia i le falemai ae na maliliu ai lava mulimuli ane, o loo iai foi ma le isi Niu Sila ua ta’ua mai o loo faamanu’alia.
Ua ofoina atu le fesoasoani a le NZ Embassy i lea tagata aemaise mo aiga o i laua ua maliliu.
O le faamatalaga mai le matagaluega o le va i fafo a Niu Sila ua faailoa ai o le itu i Matu o le nofoaga lea o Mt Yotei e iai i le faaitu lea o Hokkaido o se nofoaga e tumutumu iai tagata ma iloa tele foi e tagata e fiafia e faasee i le aisa.
