E 360 itula e fai ai galuega i le komiuniti le faasalaga tuufaatasi o i laua e toalua na maua o faatau faasolitulafono pāua i luga o le facebook.

Na lipotia i le Newshub i le vaiaso nei o i laua ia ua nofo vaavaaia foi mo le 12 masina.

Na ta’ua i le lipoti o Me 2023 na iloa ai e se tasi o ofisa o faigafaiva se afifi na courier mai Oamaru o loo iai totonu pāua.

Na taofia ma sailia ma maua iai le 12 kilo o le pāua ua mae’a ona faamince.

Na maua foi e le matagaluega o faigafaiva a Niu Sila faamatalaga e uiga i le upega tafailagi ua faia e le toalua lea e faaigoa o le Always Kingdom Fundraiser ua faasalalau ai le faatauina ai o taumafa o pāua.

Puna o Faamatalaga: https://www.newshub.co.nz/home/new-zealand/2024/04/oamaru-couple-sentenced-for-illegally-selling-poached-p-ua-on-facebook.html