Faamaonia le aafia o se ave taxi sa la’upasese i le taimi o le vavao

O le avetaxi lea ua faamaonia le aafia ile koviti 19 e foliga mai sa ia feaveaia tagata faigaluega I le taimi o le lockdown ae ua aafia ile faamai. O se lipoti mai le One News ile taeao analeila ua faailoa ai lea tulaga e faapea o le ave taxi lea, lea ua faanofoesea ile taimi nei ma lona aiga, na te le’I iloaina ua aafia ile faamai.

Faamatalaga mai le pule o le Co Op Taxis I Aukilani Shaun Williams na taua ai sa faailoa atu ia te ia le tulaga lea I le aso Tofi 30 o Setema ma sa faailoa atu e le Auckland Regiional Public Health faapea foi ma le avetaavale o loo aafia.

Fai mai Williams e maua atu lipoti ia ae sa faigaluega pea le avetaavale i le aso 24 ma le 25 o Setema seia oo ina faalogoina le faagasegasea ma fai ai loa siaki lea na faamaonia ai I le aso tofi talu ai ua aafia. O taavale uma a lea auaunaga e iai QR Codes mo le sailia o nisi sa faaaogaina le auaunaga aemaise foi faamatalaga mai ia latou auaunaga autu.

O loo taua foi I le lipoti se faamatalaga a le pule o le kamupani sa tusi atu I le minsiita o le koviti 19 I se taimi ua sola e talosaga ai le aofia atu o ave taxi I seisi kulupu na muai faia tui puipui ile masina o Iulai peitai sa teena.. Ole ave taxi o loo lipotia ua maea ona fai le tui puipui muamua ma o loo faatulaga e faamaea lona tui puipui lona lua ile aso 6 o Oketopa peitai o lea ua aafia ile koviti 19.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required