Faamaonia e le Medsafe tui a le Pfizer/BioNTech

Ua faamaonia mai e le Pfizer e taunuu mai le uluai oka o tui o le Koviti e le i oo ia Aperila

O lea ua maea tuuina mai le ioega a le Medsafe e talia aloaia ai I lalo o tuutuuga le faaaoga e tagata Niu Sila o tui mai le Pfizer/BioNTech, mo tagata e 16 tausaga agai I luga le matutua

O le tali lea o suesuega a le Medsafe e tusa ma saunoaga a le faatonusili o le soifua maloloina, Dr Ashley Bloomfield, ma ua saga faamausali e le faatonu, e le I faatatopea suesuega na amata faia mai ia Novema a le Medsafe seia oo mai ai lava I taimi malologa o le Kerisimasi ma le Tausaga fou e le I taofia ai, ma o le faaiuga ua talia ai tui a le Pfizer/BioNTech na faia ma le faaeteete

O lea foi ua maea talanoa le malo agai I le Pfizer I nai aso e le I mamao atu ma ua faamautu ai e oo atu I le 450,000 tui e taunuu mai e le i uma le masina o Mati, ma o le a lava lea mo le 225,000 o tagata o loo galulue I tuaoi o Niu Sila faapea o latou aiga, ma tagata matutua

O nei tui o le a auina mai I vaalele, ma o le a auina sao I se tasi o fulisa malulu a le o Aukilani o Kalaiesetete e teu ai mo le faatumauina o le lelei

O le sau o lea faamaoniga I le aso ananafi, ua saunoa ai le tamaitai palemia, Jacinda Ardern, o loo o gatasi ma fuafuaga a le malo e amata tuiga I le faaiuga o le uluai kuata ole 2021, ma o le tausaga lava lenei – o le tausaga o tui o le Koviti

Keep uptodate with Radio Samoa activity & promotion

* indicates required