Faamaonia e le BSA le solia o aiaiga tau faasalalauga e le Talanoa Sa’o

Ise pepa o faamatalaga mai le Broadcasting Standards Authority le BSA ua taua ai o se faatalanoaga i luga o le APNA Television ua solia ai aiaiga tau faasalalauga ona o faamatalaga taufaasese e faatatau ile Koviti 19 atoa ai ma tulafono fou faatatau ile faapauina o maitaga, abortion.

Ua faatonuina nei le ofisa faasalalau ina ia faasalalauina se faamatalaga e ta aofai uma ai le faaiuga a le BSA ma ia totogi le $500 agai ile Crown. O le faaiuga ua faia e le BSA e fesootai ise faatalanoaga ile Polokalame o le Talanoa Sa’o na faasalalauina ile aso 24 o Iuni 2021.

O loo faailoa mai foi ile pepa o faamatalaga tulaga uma ua solia ai aiaiga tau faasalalauga ma faailoa ai e ui o nisi vaega o le polokalame oni finagalo faaalia, manatu ma ni fetufaaaiga e le apalaia iai le accuracy standard, poo le tulaga e tatau ona sa’o atoatoa peitai o loo aofia ai ma faamatalaga le moni, faamatalaga le sa’o e ono faaseseina ai le au maimoa.

Taua e le BSA o mataupu e pei o le koviti 19 ua iai aafiaga I soifua o le lautele e ao ona mataitu ma le totoa. E lei maua se avanoa o talafou mo se finagalo mai le APNA Television e tusa o lea faaiuga.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required