Ua faamaonia e le sa avea ma palemia o le atunuu Dame Jacinda Ardern o loo tusia sana tusi.Sa ia faailoa i luga o le instagram i le taeao analeila o loo ia galue nei faatasi ma le kamupani a le Penguin i Niu Sila ma Ausetalia, le Macmillan i le United Kingdom ma le Crown i le malo tele o amerika.
E le o iai se aso ua faatulaga e faamae’a ai le tusi i le taimi nei ae fai mai Jacinda o lona faamoemoe afai ae mae’a ia avea o se tusi e mafai ona ia faia se suiga.
I sana lauga sa faia ia Aperila na faailoa ai e Jacinda o nisi o mataupu e tāua ia te ia e aofia ai suiga i le tau, tulaga mativa e aafia ai fanau aemaise o le taitaiina o Niu Sila i le taimi o le faalavelave i Kalaiesetete atoa ai ma le Koviti-19, e le taumate e ono aofia ai nisi o nei mataupu i le tusi a lea foi taitai sa iai o le atunuu.
