Ua faamanuiaina fanau aoga mai le Clendon Park i le tauvaga a le Wonder Project Power Challenge, ma e lē gata o se tala fiafia mo le laumua ae sili ai le vaega o le gagana Samoa lea na mauaina.

O le Tautua mo Tupulaga poo le vaega ua faapitoa mo le gagana Samoa a le aoga a Clendon Park na tausinio faatasi ma le tusa ma le 1,200 ma ona tupu i le poloketi tau inisinia, ma o le silia ma le 31% o fanau na auai o fanau Maori ma le Pasefika.

O le toatele o fanau aoga na auai i le tauvaga o lenei tausaga o le itupa o tamaitai ma i tala a le Engineering New Zealand, o le ‘afa o fanau na auai ua faaalia le naunau e fia faalautele le iloa i mataupu tau saienisi, tekonolosi, inisinia ma le matematika.

O se fiafiaga foi i se tasi o alo o Samoa lea na tu malosi i le poloketi lenei mo fanau aoga a le Clendon Park, o Paitai-Tuiatua poo se tasi o inisinia o le pulega o le suavai a Aukilani le Watercare.

A o fiafia ai i le poloketi o lenei tausaga e lē o mailoa le aluga i le tausaga fou ona o lea o le a motusia le lagolagosua a le matagaluega o pisinisi ma galuega, poo le matagaluega autu na ia faatupeina.