E toalua tagata na tafana anapo e mafua mai i se misa i Queen Street i le taulaga faatau o Aukilani.
Na lipotia e tala a le 1News, o le tasi na fana le ulu ae o le isi o lona manava ma o loo iai uma i se tulaga tigaina i le falemai.
E tusa o le ‘afa o le 11 anapo lea na tupu ai i le tuaoi o Queen ma Fort Street ma i molimau a nisi e nonofo latalata ane iai, na faalogoina le pa’ō ma feei mulimuli ai, vaaia tupulaga talavou ua taufetuli solo i le fefefe.
Na tapunia ai e leoleo ma se vaega o Queen Street faapea nisi o auala tuaoi ma i lipoti a le Herald i le taeao nei o loo ta’ua mai ai o loo faaaupegaina leoleo.
O loo tālia se atoaga o lenei mataupu mai leoleo i le taeao nei.
