I le feiloaiga a Tusitala ma le laulau o le Faalapotopotoga o Tagata Faigaluega a le Mālō le PSA i le vaiaso nei na teena e le Peresetene ma le Asosi ni fesili e faapea pe e le’o tu mai tua le taitai o le Ituagai e unai le faia o se solo tetee a tagata faigaluega faasaga i le Mālō.

Taua e le afioga ia Lealaisalanoa Karameli Tuala e leai se tulaga faapea i tulai mai ma e le’i feiloai foi ma le susuga Tuilaepa Lupesoliai Sailele Malielegaoi, o o latou lava manatu ma finagalo le ma tauala atu i se tusi i le tamaitai Palemia.

“E oo mai i le asō talu mai na matou fai oe tusi i le Palemia e le’i afio mai Tuilaepa pe saunoa mai foi e o e fai le mea lea, e leai o matou lava ia , e faataua o matou tofiga o matou o taitai o le PSA matou te Puipuia aiā tatau o tagata faigaluega. Afai o ni saunoaga lena a Tuilaepa o lona a loto e le tutusa matou loto ma matou finagalo auā o le finagalo a leva a Tuilaepa ia e saunoa mai faapena lae iai lana lagolago ona ai faapea o ia foi sa tamā o le atunuu i taimi ua sola sa iai foi ana ia saunoaga na fai mai iai matou ao palemia sa matou talia ma ave iai le faaaloalo ae o le taimi lenei e leai se saunoaga a le toeaina pe valaau mai foi i se telefoni i le matou sosaiete”.

Ua afua nei fesili ona o le tele o feiloaiga foi a tusitala ma le afioga i le taitai o le Ituagai susuga Tuilaepa Lupesoliai Sailele Malielegaoi e ave ai lava lana  lagolago i le Faalapotopotoga o tagata faigaluega le PSA. Peitai o lea ua faamanino mai e le laulau a le Sosaiete e leai se tulaga faapea o tulai mai pe o tupu foi o le loto faitalia lava o le tagata faigaluega lea na Ala ai ona faaali o latou manatu e ala i se tusi na tuuina atu i le tamaitai Palemia ina ua tulai mai le faamālōlō ai o le tele o tofiga maualuluga a le Mālō talu ona tulai mai le faigamalo fou.