Ua faailo e Israel Folau I sui ole St George Illawara o le a ia ioe atu I nisi o tuutuuga e faatatau I le faalauiloaina o ona talitonuga faalelotu pe afai e lesitala e le NRL ia mo se maliega e miliona mo tausaga e lua ina ia taalo ai I le Dragons.

O lipoti ile stuff ua faailoa ai lea tulaga ma ua faailoa ai e Folau ua ia a’oina mai se lesona ma o le a taofiofi foi ia te ia ona manatu ma talitonuga.

O le maliega la e tali tutusa ma le maliega sa faailoa ane e le Dragons ia Folau I le tausaga talu ai lea sa mulimulitai iai.

Ua faailoa ane ele NRL ile kalapu a le Dragons o le a Iloilo le talosaga mae o le a le faia se faaiuga sei vagana ua Iloilo uma ma faatalanoa I latou e aofia ai.

Taua ile lipoti ua taliaina e le Dragons le fetuunaiga lea e talitonuina e 450 afe mo le 2021 ma le 550afe ile 2022 ma ua malilie foi iai le tele o sponsors a le kalapu. Sa fuafua e taalo Folau mo le Catalans ile super liki I le tausaga nei peitai ua toe foi mai I fanua ona o nisi o fuafuaga a lona aiga