Faamanatu le aso faavaomalo mo fanau tamaitai

O fanau aoga mai kolisi eseese e 7 i Samoa na auai i se faatasiga  faatatau i le saogalemu o le faaaogaina o tekonolosi faaonaponei na faia i Taumeasina Island Resort o se vaega o le faamanatuina ai le aso faavaomalo mo fanau tamaitai poo le International Girl Child Day.

O le ulutala o lenei tausaga ua faaupuina i le gagana faaperetania “Digital generation, our generation” Augatupulaga o tekonolosi faaonaponei, o tatou augatupulaga. O faamoemoe o lenei faatasiga ina ia unaia teineiti laiti i le taua o le faaogaina o tekonolosi faaonaponei e tafiesea ai sauaga faasaga i teineiti ae le gata i lea ia faamalosiau iai latou e faaoga lo latou leo o le latou lea saolotoga ma avea ma taitai i totonu o ni Faalapotopotoga.

O lenei polokalame na galulue faatasi ai le Asosi o Kirikiti faavaomalo a Samoa, o le Iunivesite Aoao o Samoa , the Vodafone Samoa faatasi ai ma le Ofisa o le Pule Faatonu. O kolisi na auai o latou sui i lenei faatasiga taua e aofia ai Le kolisi o Avele, Sagata Maria i Vaimoso, Kolisi o Samoa, Kolisi o Sanele, Kolisi o Vaimauga, o Leififi faatasi ai ma le Kolisi o Faleata.

Taua e le Faatonu o le Asosi Koeikiki Faavaomalo a Samoa Sala Stella Siale – Vaega Tangitau e taua tele le saili mai o manatu e le gata o faiaoga ae faapea Kamupani o loo nafa ma tekonolosi faaonaponei i ni auala e fesoasoani ai i tamaitai laiti e taofia ai sauaga faasaga iai latou.

Taua e nisi o fanau aoga na auai le taua tele o lea polokalame ma le unai e faamalosi ai iai latou ma fesoasoani ai i le tetee atu i sauaga ae faapea le fesoasoani e unaia lo latou agavaa faletamaitai.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required