Faamanatu e le o mafai ona faia tui mo i latou lalo o le 12 tausaga

Pe a ma le toatasi le tamaititi lalo o le 12 tausaga ua maea faia lona tui o le Koviti, ituaiga Pfizer

O lea ua maea fesootai atu pulega o le soifua maloloina i ona lala eseese i tua i le maea maua o le tala ua maea tui le tamaititi e le i faatagaina mai e le Medsafe

I le taimi nei o lea e gata i le 12 tausaga le matua e mafai ona faia tui o le Koviti i totonu o Niu Sila, ma o fanau uma i lalo o le ta’i12 tausaga e le o faatagaina

Peitai i ripoti a le Stuff ua faailoa ai e sooupu a le Northern Region Health Coordination Centre o le faia o le tui o le tamaititi e le i atoa le 12 tausaga na faia i le maea faailoa ane e le matua ua atoa le 12 ma e le i faailoaina foi se pepa e faamaonia ai ona tausaga, toe sue atu le numera  loo lesitala ai i faamaumauga a le soifua maloloina le NHI e le i maua foi

Mulimuli ane toe maua i suesuega na faia ma faamautinoa ai e le i atoa le 12

Ua toe faamanatu mai ai le pulega i le aufaigaluega faapea matua e le o mafai ona faia tui o fanau i lalo o le 12 tausaga, ma afai ae e le maua se numera NHI, o le a tapa loa se pepa faamaonia o le aso fanau ae e le i faia tui

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required