O le tagata faigaluega I le malaevaalele lea ua faamaonia I le Koviti, e le gata na kiligi vaalele o loo feoai I le sone mumu ae o lea foi na ia faamamaina vaalele na felelei atu I Ausetalia I le Aso Gafua o le vaiaso nei
O le faailoa mai o lea tala ananafi e le sui o le soifua maloloina, ua fesiligia ai nei ma le ono lamatia o pasese na faimalaga atu I Ausetalia i le faatoa tatala o le saolotoga I le vaiaso nei
Ua faamautinoa ai e le minisita o le Koviti, Chris Hipkins, na ono pesia mai lea tagata faigaluega I le taimi na faamamaina ai vaalele o loo aumai ai pasese mai atunuu o loo malosi ai le Koviti poo faigamalaga ua faailoga I le sone mumu, ma e maualalo le tulaga lamatia o tagata lautele
O lea ua maua mai foi I suesuega ua taua o le genome sequencing e fesootai siaki o le tagata kiligi ua faamaonia ma se tasi o pasese na taunuu mai I le malaevaalele I Aukilani I le aso 10 o le masina nei, ma o le vairusi mai le United Kingdom lea ua maua ai
O lea tagata faigaluega e galue I lalo o le kamupani a le Menzies, ma ua faamautinoa mai ai foi e le Ea Niu Sila e iai lava a latou tagata faigaluega e faamamaina a latou vaalele ma latou te le faaaogaina tagata faigaluega a le Menzies
O loo suesue atili le aafia o lea tagata faigaluega ma ua faailoa e iai suiga o le faatautaiga o auaunaga ua tatau ona fai
