Ua faailoa aloaia mai e le Matgaluega o le Soifua Maloloina nisi o aiaiga e tatau ona usitaia e soo se tasi o loo fuafua e malaga atu i Samoa e aofia ai le manaomia lea ona fesootai atu tagata malaga uma i le faaululuga o le soifua maloloina i le 21 Aso ae le’i fuafua e malaga e faaoga ai emeli ua tuuina mai enquiries@health.gov.ws poo le samoahealth.travelenquiries@gmail.com
Ua fautuaina foi au malaga uma ina ia fai uma tui puipui ae lei ulufale i Samoa
• ia iai se tusi faamaonia ai e le’o maua i le faamai o le koviti (negative covid test) e faia i totonu o le 72 itula ae le’i malaga atu i Samoa ma tatau ona faaali le kopi tusitusia i le malae vaalele
• ia iai faamaumauga o se kilia mai le falemai i totonu o le 120 itula a’o lei tuua se faigamalaga mo Samoa
• ia fai se tui mo le toto i totonu o aso e 5 ae le’i malaga atu i Samoa se’i vagana ai tagata mai Niu Sila ma ua silia ma le 30 aso na nofo ai i Aotearoa, e ono iai ni suiga mo faigamalaga faapitoa mo Iuni ma Iulai.
O nisi nei aiaiga e tatau ona faamamalu i le Aso 1 o Aukuso 2021 e aofia ai le faia uma o tui puipui o soo se tasi e ulufale i Samoa , faali se tusi faamaonia ua mae aona fai tui puipui ma e tatua ona fai i le totonu ole 2 vaiaso ae le’i malaga ma e tatau ona faali nei faamaoniaga i le malae vaalele i Samoa.
Ua faailoa mai foi i faamaumauga a le Matagaluega o le Soifua Maloloina le fainumera ua agai iai faiga tui puipui a le atunuu mai le faama’i matautia o le Koviti19.
E tusa ai ma le aso 25 o me 2021 lea ua faamauina mai le lata i le to’a 30,000 o i latou ua maea ona fai tui puiupui, lea ua to’a 29,518 lea aofai ua iai nei. E toa 16,256 alii ma tamaitai e to’a 13,262.
E pei ona silafia o le faatinoga o tui puipui mo Samoa o loo faagasolo pea ma e 8 vaiaso e faatali ai pe a maea le tui muamua ona fai lea o le tui lona lua.
O le faamoemoe maualuga ia faia uma tui puipui a le atunuu mo puipuiga ae le gata i lea ia mafai ai ona toe tatala alavaa mo femalagaiga.
