samoa airport

Faamalosia aiaiga o le malaga i Samoa ona o le vairusi fou o le omicron

O lea ua toe faamalosia nisi o aiaiga mo tagata malaga atu i Samoa i faigamalaga faapitoa poo repatriation flights a’o lumanai ai aso fiafia o lenei tausaga. 

 Ua mafua ona toe iai nisi o aiaiga ona o  puipuiga e ao ona usitaia a’o le’i malaga atu i Samoa ona o le alia’e mai o se isi auga fou o le fomai Koviti19 lea ua taua o le omicron variant ua maua i nisi o atunuu e pei o Ausetalia. 

Ua fautuaina malosi tagata e malaga atu i Samoa ia tataou ona fesootai sa’o i le Matagaluega o le Soifua maloloina i totonu o aso e 21 a’o lei malaga i le atunuu. O ia fesootaiga  e faia i le tuatusi poo le imeli a le Matagaluega e faaaoga ai fesootaiga i masini computers. O lea foi ua tapunia tuaoi o Samoa i ni tagata e malaga mai atunuu e pei o Aferika i Saute, Botswana , Eswatini, Lesotho, Malawi, Mozambique, Namibia, Zimbabwe, Belgium ma Peretania. 

O atunuu o loo mataitu nei e aofia ai Isarelu Hong Kong ma Ausetalia ma o tagata uma e uia ia atunuu ma malaga atu i Samoa ua aiai e tatau ona tuuina atu i le Matagaluega a le Soifua Maloloina pepa o faamatalaga i faamaumauga uma tau suega o le faama’i koviti19 a’o le’i uluflae i le vaalele ma agai atu i Samoa. 

O tagata uma o loo tapena e malaga atu i Samoa e manaomia le fesootai i le faauluuluga o le matagaluega o le va i fafo poo le taitaifono o le komiti o faalavelave faafuasei poo soo  se ofisa o le malo o Samoa i atunuu i fafo e resitala ai o latou suafa a’o lei malaga atu. 

O isi aiaiga e tatau foi ona usitaia i le auga autu o tapenaga nei a le soifua maloloina ia malu puipuia pea Samoa mai le faama’i.  

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required