Honourable Valasi Toogamaga Tafito Selesele

Faamalolo Sui Usufono lē Migao seia iai se aso – Lipoti a le Komiti 

E tusa ai ma le iuga o le lipoti a le Komiti na suesueina moliaga o amioga aloaia ma tulaga taualoa, ua fautuaina ai ina ia faateaeseina ma faamalolo sui usufono e toalua o le maota, ina ua faamaonia i suesuega a le Komiti o tulaga aloaia ma amioga taupulea, le solia e i laua o tulafono tumau o le maota i tulaga aloaia ma amioaga taupulea.

O Tuilaepa Lupesoliai Sailele Malielegaoi o le sui usufono o le itumalo o Lepā faapea ai Lealailepule Rimoni Aiafi sui usufono mai Faleata 3, ua aumai ai le fautuaga a le komiti mo se faaiuga e faamalolo e aunoa ma ni totogi seia iai se aso. O le taeao nei i le Palemene na tuuina atu ai i le lauauafono le lipoti a le komiti Faapalemene o sui e toaiva sa galulue iai mo sa latou fautuaga ma lipoti mai ai i le Palemene e faia iai sana faaiuga.

Na faailoa e le Taitaifono, Valasi Toogamaga Tafito Selesele e lei faatagā faia le faaiuga, aemaise ai o le tilotilo foi e le gata i le solia o uiga aloaia. E pei ona faamaonia ai. 1) Ua solia tulaga aloaia o le Palemene, ua solia le tautoga o le loto faamaoni…tulafono tumau (14) Faapea le tulafono laitiiti amio taualoa faapalemene (15). 2) Ua faamaonia le aafia ma le faatino o amioga lē migao faasaga i le Palemene 3) Faamaonia le solia o tulaga tau le pule I tulaga aloaia o le Fono Aoao Faitulafono 1960 21(1) (d). 4&5) Ua aafia tulafono 187(4), 21(4), vaega 5 tulafono pule 1960.

O ia tulaga ua faaalia manino mai le lipoti ua solia e ala i faamatalaga ma gaioiga a i laua ua faasaga iai le faaiuga. O le mataupu lenei na afua mai i le faaiuga a le Faamasinoga e tusa ai o moliaga faasaga ia Tuilaepa ma Lealailepule faapea isi ona o le mataupu faalemigao i le Faamasinoga. O loo manino le faaiuga a le faamasinoga, e pei ona faamaonia ai le solitulafono peitai e lei iai se faasalaga, ae na tuuina mai e le faamasinoga i le Palemene e tagai iai i taualumaga a le maota.

O le taeao nei e malolo le fono mo se tausiga o le taeao o loo teena e le Sui Ta’ita’i o le HRPP ia Lauofo Pierre Lauofo faapea ai Papalii Niko Lee Hang le lipoti a le komiti. Na tulai le Sui Ta’ita’i o le HRPP ia Lauofo e faapea e ao ona iai lē o loo faasaga iai le faasalaga o Tuilaepa lea mo sana tali atu ma talosaga ai le toe tolopo ai le mataupu ma lona tolaulauina auā le faaalia o finagalo o le maota.

E ui i lea tulaga na tulai le Tamaita’i Palemia o Samoa, Afioga Fiame Naomi Mataafa ma ia saunoa mai i le tāua ma le faamuamua a le Palemene i le mataupu lenei..ma faapea ai e ao ona toe faafoi tulaga mamalu i le Palemene. “Ia toe faafo’i mai i le maota lenei ona mamalu”. O loo faauau le Fono a le Palemene i le asō, ma e ono maua ai le faaiuga mautū o lenei mataupu.

Scroll to Top

Keep uptodate with Radio Samoa activity & promotion

* indicates required