Ua faamalolo lē tumau le sui faipule o le Green ia Golriz Ghanraman mai ona tofiga a o suesue ai i tuuaiga o lona toesea mai o oloa mai se tasi o faleoloa i Aukilani.

Na lipotia o le faleoloa a le Scottie’s Boutique lea na toesea mai ai e le tamaitai faipule oloa e tusa ma tuuaiga, ma ua saunoa le sooupu o le pati a le Green e tatau i faipule ona amio pulea i nofoaga faitele ma o lea ua tuu ese uma ai ona tiute tauave a o faia suesuega.

E leai se tala tele mai le pati a le Green faapea ai ma leoleo a o faasolo ai suesuega i le mataupu lenei.

O le tamaitai faipule ua malolo a o faia suesuega o se tasi sa avea ma loia o aiātatau a tagata soifua a o lei avea ma faipule, ma o ia foi o le uluai faipule ua ofi mai i le Palemene o se tasi e iai ona talaaga o se tagata sulufai.