Ua amata Setema, ma sau ai ma le amataga fou mo faletusi uma a le Auckland Council

Amata mai le aso ananafi o lea ua faaleaogaina uma sala mo tusi ua ova aso, ma o lea faaiuga na pasia e councillors I le masina o Iuni

E silia ma le $500,000 aitalafu a I latou na tuai ona toe faafoi tusi a le faletusi, ma o le maualuga lava o le sala a le tagata e toatasi ua faamagalo nei e $319.90

E ui e le o mafai ona asiasi tagata Aukilani I faletusi I le taimi nei ona o tapu, ae I tala a le pulega pei ona molimau le Stuff, o le faamagalo o faasalaga tupe o se avanoa ua aveesea ai le isi pa puipui mai le faaaogaina o faletusi

E pau faasalaga tupe ua faamagalo ma soloiesea o totogi nei o tusi ua ova aso poo overdue returns, ao isi uma faasalaga tupe o loo tumau pea.