O loo alu pea i luga le fuainumera o gasegase toe o i le fale e le’i vaaia se foma’i, ma e iai nisi o lea na maliliu lava i totonu o le 30 aso talu ona iai i Emergency Department.
O lipoti nei na toe faailoa mai e iloiloga a le soifua mālōlōina ananafi, ma e faapea na alu i luga i le 120% tagata toe foi i le fale e le’i vaaia se foma’i i le va o le 2016 ma le 2019.
Ae i tagata toe o i le fale e aunoa ma le vaaia o se foma’i ma o lea na mulimuli ane maliliu, na faamauina e 0.31 i le va o le 2022 ma le 2023 faatusa i le 0.15 i le va o le 2016 i le 2019.
Fai mai ai le Health NZ, e moni o lea na alu i luga tagata toe foi e le’i vaaia se foma’i, peitai o le alu i luga o tagata maliliu e lē faapea e na o le pau lea o le mafua’aga na uma ai soifua.
O ni faai’uga ua fai mai ai le soifua mālōlōina o le a tauaofa’i i totonu o iloiloga ma mataupu toe faaleleia auā le alualu i luma o le pulega ma le auaunaga.
Puna o Faamatalaga: Death rates double for some patients who left ED without seeing a doctor | RNZ News
