Faalēaogaina le visa o Djokovic, taofia i nofoaga faanofoesea

E ono toe tipoti i lona atunuu le alii numera tasi i le tenisi ile lalolago o Novak Djokovic ina ua faaleaogaina lona visa ile aso e le faigamalo a le Feterale. O le lipoti lata mai o loo ua tuuina atu nei se talosaga mai lea alii taalo ina ia taofia le tipoti eseina o ia.

Fai mai ua aveesea mai nei o ia mai le malae vaalele i Melepone lea sa taofia ai e border authorities ina taunuu ile po anapo, ua aveina atu ise faletalimalo e faanofoesea ai ile faaitu o Carlton. O le a faatali ai le nofoaga lea seia faatulaga lona toe agai ese ma Ausetalia.

O le saunoaga mai le minisita o le soifua maloloina Greg Hunt ua taua ai ile lipoti a le channel 7 o le fautuaga na ia maua e faapea ua faaleaogaina le visa o le alii taalo mae le taumate ua faia lea tulaga ile maea o se iloiloga ile exemption lea na faataga ane ai o ia e le faigamalo a Vitoria e mafai ona agai ane mo le Australian Open.

Taua ile lipoti ua faamaonia mai e le Border Force a Ausetalia e lei mafai ona saunia pe tuuina ane e Djokovic ni faamaoniga e mafai ona faamalieina ai tuutuuga e ulufale ai le tagata i Ausetalia ma ua faaleaogaina ai nei le visa.

I lalo o tulafono a Ausetalia o loo iai ile taimi nei, o tagata e le faia ni tui puipui ae leai se mafuaaga tatau e ono feagai ma le toe faafoi ese mai le malae vaalele ma auina atu mo le 14 aso e faanofoesea ai. O tagata e le sitiseni i ausetalia mae leai ni visa talafeagai e ulufale ai , o le a faaleaogaina o latou visa ma taofia e faatali ai le taimi e toe aveesea ai ma Ausetalia.

Fai mai le palemia Scott Morrison ile mataupu lea o tulafono a o tulafono mae leai se tasi ei luga ane o ia tulafono.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required