Samoa Attorney-General Savalenoa Mareva Betham-Annandale
Photo: Samoa Observer

Faaleaogaina e le faamasinoga maualuga le talosaga a le Loia Sili

I le taeao nei i le maea ai o iloiloga a le faamasinoga faatatau i le talosaga a le Ofisa o le Loia Sili ina ia taofia le iloiloina o le matuapu i le nofoa faaopoopo ona ua uma ona malele le Ao o le Malo e toe fai le isi faigapalota, ua autasi uma ai afioga i Faamasino e faaleaogiana ma teena lenei talosaga.

O le aso 17 o Me i le Aso Gafua lea o le ā tuumai ai loa le faaiuga a le faamasinoga maualuga i lona faaiugaina o le Vaega 44 (1A) o le Faavae i le filifilia ai o Aliimalemanu Alofa Tuuau e avea ma sui faaopoopo o tamaitai i le Palemene ma aumai ai se iuga o lea mataupu.

O le faaiuga na tuuina mai e le Afioga i le Faamasino Lesatele  Rapi Vaai .

O le finau a le Ofisa o le Loia Sili e faapea “ e leai se aoga e toe faaauau ai lenei matuapu auā lea ua faaleaogaina uma mai e le Ao o le malo faaiuga o le Palota na faia i le masina o Aperila .

Peitai na tali le Tamaitai Loia o loo tulai mo le FAST Mauga Precious Chang “e ui ua  faleaogaina le tusi filifilia mo Aliimalemanu ona o le malele a le Ao o le Malo ae o lea mataupu e ono aafia ai iloiloga a le faamasinoga pe afai ae toe tulai mai se isi faigapalota .”

Na taua e le Alii Loia o loo tulai mo Aliimalemanu ia Aumua Ming Leung Wai “o faatonuga mai ia Aliimalemanu e lagolagoina ai le manatu o Mauga ma fautuaina ai le Faamasinoga ina ia faaauau le iloiloina o le mataupu auā o loo iai se fesili taua o loo manaomia ai le faaiuga a le faamasinoga.”

Taua foi e Aumua “ E taua tele i le faamasinoga ona faamalamalama le uiga tonu o le vaega44 (A1) ona o se vaega fou o le faavae ma o Samoa ua na’o le pau lea o le atunuu i le lalolagi atoa ua iai se vaega fou faapea ma e le’i faaalia muamua ai se finagalo o le faamasinoga i lea mataupu.

Ae i le mataupu o le talosaga a le FAST e fesiligia ai le solifaavae ma le solitulafono o le faaiuga na fai e le Ao o le Malo e ala i lana poloa’i e faaleaogaina ai iuga o le faigapalota a Samoa na faia i le Aso 9 o Aperila lea o le a valaauina i luma o le faamasinoga maualuga i le itula e 3 (taimi samoa) i le afiafi nei.

O se taimi mulimuli ane o le a mafai ona maua ai se iuga o lea matuapu lona lua.

Ae mo le silafia o le Aso Lulu 12 o le vaiaso fou o le a toe faaauau ai le iloiloina o mataupu 28 o tagi o faatosina o le faigaplaota i luma o le faamasinoga maualuga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required