Photo: nzherald.co.nz

Faalautele le silasila a le Ea Niu Sila ile faia o tui puipui o lana aufaigaluega

O loo manao le kamupani vaalele a le Ea Niu Sila ina ia faalautele le numera o ana tagata faigaluega e manaomia ona faia tui puipui. I se imeli sa lafoina i tagata faigaluega i le vaiaso nei pei ona lipotia I le tvnz, ua taua ai e le kamupani sa faia feutanaiga e faatatau I le fuafuaga lea ina ia faatinoina.

O le faaiuga ua faia e le Executive ma o le a faalautele ai le unaia o le faia o tui puipui o le aufaigaluega ina ia faamalosia tulaga tau le puipuiga I le soifua maloloina ma le saogalemu o le faatinoina o auaunaga ma ia puipuia ai le aufaigaluega mai ni tulaga ogaoga e ono oo iai pe a aafia I le koviti 19 ao iai I nofoaga faigaluega.

Fai mai le kamupani ua faia lea faatatau I le maea ai ona faafofogaina nisi o fautuaga ma manatu faaalia o le aufaigaluega ma Iuni atoa ai ma le iloiloga tau le soifua maloloina ma le saogalemu sa faatinoina. Taua e le ofisa sili Greg Foran o le aufaigaluega tagata o loo pito I luma I le faatinoina o auaunaga a le kamupani vaalele ma e taua tele le fesoasoani I le toe aumaia I fanua o tagata Niu Sila o loo toe fia foi mai I le atunuu mae aupito I tele le lamatiaga o le soifua o le aufaigaluega I le faatinoina o lea auaunaga

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required