Search
Photo: nzherald.co.nz

Faalauiloa se faiga faapa’aga fou mo togafitiga o le gasegase o le kanesa

O se faiga faapaaga fou ua faalauiloa i le aso i le Malaghan Research Institute i Ueligitone ma sa auai ai le Minisita o le Matagaluega o Suesuega, faasaienisi ma Faatufugaga, le Research, Science and Innovation, Megan Woods.

O lea faiga faapaaga e pei ona faailoa i tala mai le ZB ua agai sao  i se togafiti mo le gasegase o le kanesa o le a mafai ona gafatia e tagata Niu Sila lona faatauina e tauala mai I se faiga paaga faapisinisi aemaise le faaaogaina o faiga faatekonolosi e mafai ai ona gaosia i se tau maualalo.

O le kamupani fou o le Bio Ora a le Malaghan Institute ma le Bridgewest Ventures NZ, o loo galueaina lea togafitiga, o le Car t-cell therapy i le faaperetania, o le a mafai ona gaosia mo sina vaega o le tau o loo faatauina ai nei. O se faiga ua taua o le a toleniina ai musela o le tino o le tagata e silafia ai ma faaumatia sela o le kanesa e aafia ai le tino.

Fai mai le pule o le Malaghan Institute Mike Zablocki, o lea faiga faapaaga toe tasi se laasaga ona latalata lea i le faaoo mai o lenei togafitiga ia avanoa i Niu Sila nei. O loo faia nei se faataitaiga o lea togaifitiga i lona vaega muamua.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required